دلوقت انا شفت الحلقات اللي بتنزل في الوحدة الجديدة لحد اخر حلقة كل اللي اتشرح فيها ممكن يتعمل بسهولة جدا في excel امال ايه فائدة مكتبة pandas و فائدة python عموما في تحليل البيانات و شكرا مقدما
6 إعجابات
مكتبة Pandas ممكن نعتبرها الـ Excel بتاع Python، لكنها مش بس بديل، هي كمان أقوى بكتير لما البيانات تكبر أو المهام تعقّد.
يعني مثلا، لو حد محتاج يكتب ألف سطر في ملف CSV، بكود بسيط بـ for loop يقدر يعمل ده في دقيقة. لكن مش بس كده، كمان يقدر يتعامل مع ملايين الصفوف بكفاءة عالية (Excel ليه حدود). ده غير إن pandas يقدر يعمل فلترة، وتجميع، وتحليل معقد بسطرين كود. وكمان يقدر يدمج أكتر من ملف أو مصدر بيانات بسهولة.
والأهم، كل اللي بتعمليه قابل لإعادة الاستخدام والتوثيق بسهولة، يعني لو كتبتي الكود مره مش هتحتاجي غير ضغطة على زر تشغيل الكود عشان تعملي نفس العملية، على عكس Excel اللي هتحتاجي تعمليه كل مرة يدويا.
وأكيد لو عملنا برنامج فيه تعامل مع ملفات الـCSV مش هنفتح Excel عشان نعمل المهمه، خصوصا لو صدرنا التطبيق واكتر من شخص هيستعمله.
يعني باختصار، Pandas بتوفر لك قوة وسرعة وتحكم أكتر بكتير من Excel، خصوصًا لو الشغل على مشاريع تحليل بيانات كبيرة أو متكررة لاكن بدون واجهه رسوميه مثل Excel.
وتقدري تتأكدي من مواقع زي :
او
وطبعا في مواقع تانيه غيرهم ..
4 إعجابات
ممكن تكون اسرع في ملأ الجداول بسبب استخدام ال loops و لو فيه تطبيق محتاج تحليل بيانات لكن في الباقي انا حسه أنه الاكسل قوي خاصة مع وجود power bi و power query و بنقدر نتعامل بيهم مع عدد سطور كبير جدا
3 إعجابات
هو انا مش اصحاب خبرة ولكن اظن ان Pandas مش مجرد إضافة هي بتفتحلك أبواب تانية
لو قولنا مثلا ليه تتعلم Pandas؟ :
1.تبدأ تشتغل مع Data Scientists أو مهندسين بيانات
هما بيشتغلوا كلهم تقريبا بـ Python
فلو أنت في تيم في شغل كبير، لازم تتفاهم معاهم بلغة واحدة
2.تتعامل مع APIs أو ملفات غير تقليدية
Power Query ممكن يتعامل بس ب مجهود أكبر وفي أحيان لا ميقدرش
3.عايز تبني حلول أوتوماتيكية بالكامل
Skipping the manual step… Python script > يشتغل لوحده > يطلع تقرير > يبعت إيميل
4.عايز تدخل AI/ML
كل اللي شغالين في المجال ده بيبدأوا بـ Pandas
لأنك لازم تنظف وتحضر بياناتك قبل أي نموذج
طيب هل فيه تأثير “لا يمكن” يحصل إلا ب Pandas؟
بصراحة؟ مش دايما
لو هتشتغل جوه Power BI ممكن فعلا تستغني عن Pandas سنين من غير ما تحس بنقص
لكن لو يوم ما الشغل بتاعك يتطلب مرونة أكتر أو حاجة مش موجودة في Power Query (زي مثلًا تحليل Log files، أو ربط APIs، أو تطبيق فيه واجهة برمجة)… ساعتها هتلاقي نفسك بتدور على Pandas وال Python
5 إعجابات
متقلش علي نفسك مش من أهل الخبرة لانك استاذ بالنسبة لي
الصراحة انا عموما جديده في البرمجة بس انا بعرف اشتغل باكسل بقالي سنين الحمدلله و فعلا حسبت بيه حاجات كتير جدا و عملت data visualization بيه و power bi و كذا حد نصحني اتعلم python كخطوة إضافية ليا في تحليل البيانات فأنا اصلا منتظرة الوحدة دي من اول الكورس و كنت متخيلة اني هلاقي حاجات معملتهاش قبل كدا و علشان كدا سألت السؤال ده
5 إعجابات
تخيل حضرتك موقع لمنصة تعلمية
انا مدرس و بدي دروس لطلاب علي المنصة دي وانا محتاج اخر كل شهر اني ابعت تقرير لاولياء الامور
التقرير عبارة عن عدد الواجبات الي اتسلمت ونتايجها والامتحنات وغيره
او مثلا ان عايز اطلع افضل طالب عندي او الطلاب الي دراجتهم اكبر من رقم معين
في الحلات دي وغيرها كتير هحتاج استخدم Pandas والي زيها علشان اطلع النتايج دي
اتمني اكون عرف اوصل الصورة لحضرتك
5 إعجابات
تمام شكراً جزيلاً لحضرتك الفكرة وصلت
4 إعجابات