اتمني تكونوا جميعا بخير…
عاوزاكوا تشاركوني ال Road Map الخاصه بيكوا… لو ان شاء الله قسمنا السنه الجديده نصفين
ف اول سته شهور علي ايه هتركزوا ف البرمجه… اعتقد المعظم هنا الحمد لله مش جديد و مع المستر …درس بدرس… كلنا علي درايه بانشغال مستر ابراهيم ف بعض الوقت … ايه المسار اللي هتركزوا عليه بالتوازي مع بايثون هل هو HTML & CSS عشان نكون python web developer ولا نعمل مشاريع من تفكيرنا ودي هتكون شويه صعبه ف التنفيذ والاستمراريه
الصراحه حاسه بربكه كبيره و حاسه ان التقدم بسيط جدا شاركوني ازاي نكمل الرحله ف السنه الجديده و ايه هو المسار.
وعليكم السلام
أنا من مبارح بلشت المستوى التاني مع الاستاذ ابراهيم عادل وما كنت حابب اطلع من المستوى الأول إلا لما يكون عندي خلفية قوية وأساس قوي بالتفكير المنطقي اللي يخليني فوت بالمستوى الثاني بقوة وأني حاول اعمل كذا مشروع انشالله اثناء دراسة المستوى التاني
أولا حتى كون صريح مو بس أنتي اللي حاسة بالربكة أنا أحيانا بحس أني ضايع ومتشتت شوي وأنو بلاقي قدامي كتير خيارات فيني امشي فيا واتعلما بنفس الوقت لأن البرمجة إلها مجالات كتيرة وواسعة
منهجي بتعلم البرمجة أني أعطي كل شي بدرسو حقو من الوقت ومحاولة التطبيق العملي إلو
بلفترة القادمة انشالله رح حاول اعمل كذا مشروع وطبعا الذكاء الاصطناعي بيعطي أفكار كتير حلوة لمشاريع صغيرة أو كبيرة بالمجال اللي بدك اياه فهاد الشي مع أنو ممكن أغلط كتير وما تظبط معي هي المشاريع لحالي بس علأغلب رح اتعلم من أخطائي وصير مبرمج بيملك كفاءة أعلى وهاد الشي أفضل شي فيكي تحطي وقتك فيه الفترة اللي جايي
نصيحتي إلك وطبعاً هاد الشي اللي بدي اعملو انا هوي أني جرب وأغلط واتعلم قبل ما فوت بمجال الفرونت إيند لحتى كون متمكن وزيد هلمشاريع عل cv
عن نفسي انا مو مركز عالبرمجة كثير لكن فنفس الوقت بحبها, صرلي شهر او اكثر تارك البرمجة وجد مشتاقلها, مشكلتي اني انشغلت كثير هالفترة مع اهلي وبرضو كان في شوي تقصير, ان شاء الله من اليوم او بكرا بدي ارجع ادرس انجليزي بالتوازي مع البرمجة, رح اركز عالانجليزي اكثر لاني مقبل عالجامعة ان شاء الله, مشكلتي انو الوقت ضيق كان عندي سنه وضيعت 6 شهور, هسا انا ما ضيعت 6 شهور كلها لكن في كثير وقت ضاع ولو استغليتو كان هسا انا متقدم اكثر, عالعموم بدي اركز واقتل حالي اول 6 شهور من 2025 عشان بدي اخذ آيلتس و احاول امشي فكورس البرمجة.
فعلا المستوى الأول كان دسم جدا وحجم المعلومات الي فيه ما بتلاقيها فمكان ثاني بنفس التفصيل والشرح, لو رجعت مره ثانيه بدي اعيد الوحدة 8,9,10 بعدين ارجع اكمل عالمستوى الثاني, بحس اني قصرت فيهم شوي وما عطيتهم حقهم , الله يوفقك
وعليكم السلام ورحمة الله وبركاته… حالياً الأولوية إلي إني تابع البايثون مع المراجعة على يلي اتعلمته قبل … وكذلك لما انظم وقتي أكثر إن شاء الله رح أضيف الويب لخططي لسببين خاصين … وما رح شتت حالي ورح ضل مركزة عالبايثون واتعلمه منيح وبعدين في خطط تانية لكن احتقظ بها لنفسي …لكن أهم شي إني استمر …طبعا هاد من ضمن خططي ولكل شخص ظروف أخرى وخطط تتلائم مع ظروفه
