الرسالة دي ظهرت ليا لما جيت اقفل الالعاب من زرار x
حليت المشكلة في لعبة البينج بونج عن طريق :
1-استدعيت مكتبة tkinter و دي مكتبة تستخدم لعمل الواجهات الرسومية عن طريق أمر
* from tkinter import
2- عملت function باستخدام try except block
بالنسبة للامر في السطر 21 :
بالنسبة للعبة الثعبان :
نفس الكلام بخلاف اني حطيت ميكانزم تشغيل اللعبة داخل try block و عملت ال except بتاعه و كمان اضفت السطور دي في حالات ال game over
()window.update
(3)time.sleep
()on_close
بالنسبة للعبة سقوط الاشكال
نفس اللي عملته في لعبة الثعبان بخلاف ال function
اتمني اني اكون افدت حضراتكم بتجربتي في حل المشكلة اللي ظهرت
3 إعجابات
معلش ممكن تشرحى تانى علشان مفهمتش حاجة
وياريت خطوة خطوة علشان افهم
إعجابَين (2)
ممكن طبعا
بصي بالنسبة للعبة بينج بونج انا اخدت ال function اللي اسمها on_close و استدعيتها في الأمر اللي تحتها مفيش اكتر من كدا
ال function دي عبارة عن try except block
ايه هو ال try except block
ده block بنستخدمه علشان نعالج الأخطاء اللي ممكن تحصل أثناء تنفيذ الكود يعني في ال runtime الجزء الخاص بال try ده فيه الكود اللي احنا عايزينه يحصل تمام كدا و الجزء الخاص بال except ده فيه الكود اللي هيتنفذ في حالة حدوث أخطاء
انا هنا كتبت في جزء ال try أمر يخليني اقفل الشاشة و في جزء الexcept مش كتبت اي كود لاني مش عايزه اي حاجه تحصل انا بس عايزاه يمتص الأخطاء اللي هتنتج عن الإغلاق فجأة
و طبعا كان لازم اوقف ال loop اللي بيشغل اللعبة قبل إغلاق الشاشة تمام كدا
بالنسبة السطر اللي تحت الfunction ده تكامل ما بين مكتبة tkinter و مكتبة turtle تمام كدا
اول حاجة هنعمل import لمكتبة tkinter تاني حاجه هنكتب الأمر ده و شرحه كالتالي
اول حاجة احنا محتاجين نوصل للobjects الموجودة داخل ال screen اللي هي المضارب و الكورة و ال scores فهنكتب window.getcanvas و ده ممكن لأن ال turtle استخدمت مكتبة tkinter علشان ترسم الشاشة تمام كدا و getcanvas ده أمر في tkinter هيوصلنا لل objects اللي احنا عايزينها علشان نقدر نوقفهم
تاني حاجه محتاجين نوصل للشاشة نفسها و ده تم باستخدام أمر winfo_toplevel علشان ناخد بالنا لما الuser يقفل الشاشة فجأة
ثالث حاجة لما الuser يقفل البروتوكول ده هيشتغل wm_delete_window و البروتوكول ده بيصدر عنه error messages هنا يجي دور ال function
اتمني انك تكوني فهمتي جربي في اللعبة دي الاول و لو احتجتي اب توضيح تاني انا مع حضرتك
إعجابَين (2)
اشكرك على سعة صدرك جدا واضح انك فى المجال من فترة كبيرة.
شرحك مفصل جدا واكيد هيبان اكتر بشكل عملى، علشان كده هبحث عن الاكواد دى واشوف طريقة عملها بشكل عملى.
وانا مؤقتا استخدمت كود onkey لتحديد زرار يوقف اللوب لما اضغط عليه.
اشكرك جدا الحقيقة
إعجابَين (2)
تحت امرك في اي وقت و علي فكره انا بتعلم معاكم و لسه مش عملت اي شغل لحد ربنا يوفقنا جميعا و نشتغل يارب
إعجاب واحد (1)
ربنا يوفقنا جميعا يارب يارب يارب
إعجاب واحد (1)
